Ба гузириши Садои Хуросон ба нақл аз Ховар, раиси ҷумҳурии Тоҷикистон гуфт: Имрӯз мо санади таърихӣ — Аҳднома оид ба нуқтаи пайвастшавии марзҳои давлатии се кишварро ба имзо расонидем. Ҳамин тавр, мо бори дигар қатъиян эълон намудем, ки аз арзишҳои сулҳ ва усулҳои ҳалли ҳамаи масъалаҳои мавҷуда аз роҳи муколама, дар рӯҳияи ҳусни ҳамҷаворӣ, ҳамдигарфаҳмӣ, самимият, эҳтиром ва эътимоди ҳамдигар пуштибонӣ мекунем. Бовар дорам, ки аз имрӯз эътиборан марзҳои се кишвар ба марзҳои дӯстии абадӣ, ҳамсоягии воқеан нек ва шарикии созанда табдил хоҳанд ёфт.
Рӯзи 31 март Эмомалӣ Раҳмон,Шавкат Мирзиёев ва Содир Ҷабборов ,раисони ҷумҳурии Тоҷикистон,Узбакистон ва Қирғизистон дар шаҳри Хуҷанд созишномаи суҷонибаи марзиро имзо карданд.Дар ҳошияи ин маросим чандин барномаи муштарак низ миёни сарони се кишвари ҳамсоя доир шуд.
Шавкат Мирзиёев ва Содир Ҷабборов бо даъвати Эмомалӣ Раҳмон ба Тоҷикистон сафар карда буданд.
342/
Your Comment